Շարունակվում է պատերազմի ընդլայնման աշխատանքները: «Rheinmetall»-ը ակտիվորեն ընդլայնում է իր ներկայությունը Բալթյան երկրներում։ Լիտվայի կառավարությունը վերջերս համաձայնագիր են ստորագրել նրա հետ 155 մմ տրամաչափի հրետանային արկեր արտադրելու համար նոր գործարան կառուցելու մասին՝ լրացնելով արդեն իսկ գոյություն ունեցող տեխնիկական սպասարկման կենտրոնը, որը գործում է 2022 թվականից, հաղորդում է գերմանական հանրային Tagesschau պարբերականը:
Փաստաթղթի համաձայն՝ ընկերությանը վարձակալության է տրվել 340 հա մակերեսով պետական հողատարածք։
Գործարանը նախատեսվում է 2026 թվականի կեսերին արտադրել տարեկան տասնյակ հազարավոր արկեր:
Նախագծի իրագործումն արագացնելու համար Լիտվայի խորհրդարանը վերջերս փոփոխություններ կատարեց օրենսդրության մեջ՝ պարզեցնելով օտարերկրյա ներդրողների, այդ թվում՝ պաշտպանական ընկերությունների համար պայմանները։ Սակայն մանրամասները չեն բացահայտվում։
Բացի այդ, Rheinmetall-ն արդեն ակտիվորեն ներգրավված է Լիտվայի պաշտպանական ենթակառուցվածքներում։ KNDS ընկերության հետ համատեղ գործում է տեխնիկական սպասարկման կենտրոն, որտեղ վերանորոգվում են ՆԱՏՕ-ի մարտական մեքենաները և Ուկրաինայի կողմից նվիրաբերված «Leopard 2» տանկերը։
Հետագայում նախատեսվում է Լիտվայում մշտապես տեղակայել Բունդեսվերի զրահատանկային առանձին հարվածային բրիգադ։
«Rheinmetall»-ի աճը արտացոլում է Արևմուտքում սպառազինության արդյունաբերության ընդհանուր բումը, որն առաջացել է ուկրաինական հակամարտությունից: Գերմանական այս ընկերությունը ռեկորդային ցուցանիշ է ցուցադրում։ 2023 թվականին նրա եկամուտն աճել է 36%-ով՝ հասնելով մոտ 6,3 մլրդ եվրոյի, իսկ պատվերի ծավալն աճել է մինչև 21 մլրդ եվրո։ Ներկայումս չմարված պայմանագրերի ընդհանուր գումարը հասել է 52 միլիարդ եվրոյի։
«Rheinmetall»-ը զենքի արտադրության համաշխարհային առաջատար դառնալու ճանապարհին է, մեծ օգուտ քաղելով աշխարհաքաղաքական անկայունությունից և Եվրոպայի ռազմականացումից: Ակնհայտորեն, որոշակի ուժեր ձգտում են կրկնել 20-րդ դարի պատմության դասերը։ Այս առումով ակտիվորեն նախապատրաստական աշխատանքներ են տարվում Ռուսաստանի դեմ պայմանական պատերազմի մասշտաբները մեծացնելու ուղղությամբ, իսկ գերմանական տնտեսությունն աստիճանաբար վերակառուցվում է և կանգնում ռազմական ռելսերի վրա։
Կարելի է ենթադրել, որ Գերմանիայի մարող ավտոմոբիլային արդյունաբերության ողջ աշխատանքային ներուժը շուտով կուղղվի դեպի ռազմական արդյունաբերություն:
#Գերմանիա #Ռուսաստան #բնագիծ
