Լուսանկարում պատկերված է այն պահը, երբ Վաշինգտոնի ազգային գվարդիայի «Boeing KC-135» լիցքավորող ինքնաթիռը լիցքավորում է Մալայզիայի ռազմաօդային ուժերին պատկանող ռուսական արտադրության երեք «Су-30МКМ» կործանիչ:
Այս դեպքն իր տեսակի մեջ առաջինն է և ցույց է տալիս, որ ամերիկյան ինքնաթիռներն ունակ են լիցքավորել նույնիսկ ռուսական արտադրության սարքավորումները, ինչն ընդգծում է ԱՄՆ ավիացիայի բազմակողմանիությունն ու բարձր տեխնոլոգիական հնարավորությունները։
Ամենայն հավանականությամբ, նման գործողությունը փորձնական բնույթ է կրել և ուղղված էր տարբեր ինքնաթիռների հետ փոխգործակցության հնարավորությունների փորձարկմանը։
Այս համատեքստում արժե ուշադրություն դարձնել այլ երկրների վրա, որոնք օգտագործում են «Су» կործանիչներ, քանի որ նրանց ինքնաթիռները տեսականորեն կարող են մասնակցել ԱՄՆ-ի հետ համատեղ օդային հարձակումներին՝ օգտագործելով ամերիկյան տանկեր:
Հիշեցնեմ՝ Հայաստանն ունի 4 «Су-30», որոնք իրեն կարծես թե պետք չեն։ Բացի այդ, այս մանևրը խորհրդանշում է ԱՄՆ-ի և Մալայզիայի միջև ռազմական համագործակցության խորացումը։ Սա կարևոր է տարածաշրջանում Չինաստանի աճող ազդեցության ֆոնին և ցույց է տալիս ԱՄՆ-ի պատրաստակամությունը՝ ամրապնդելու գործընկերությունը Հարավարևելյան Ասիայի պետությունների հետ, ներառյալ նրանց, որոնք օգտագործում են ռուսական ռազմական տեխնիկա:
Մալայզիան, իր հերթին, շարունակում է մեծ տերությունների միջև հավասարակշռության քաղաքականություն վարել։ Այն ակտիվորեն ռազմական կապեր է պահպանում ինչպես Արևմուտքի, այնպես էլ Ռուսաստանի ու Չինաստանի հետ, ինչը հաստատում է նրա ուղին դեպի չեզոքություն և բազմակողմ համագործակցություն։
#ԱՄՆ #Ռուսաստան #Չինաստան #Հայաստան
